هاجمت المخرجة سارة وفيق مخرجة فيلم ريستارت الناقد الفني طارق الشناوي بعد هجومه على العمل، وانتقاده فكرة وإخراج الفيلم.
وكتبت سارة وفيق في منشور لها عبر حسابها الشخصي بموقع فيسبوك: استاذ طارق الشناوي في فرق كبير بين الاهانه وبين النقد حضرتك بتقول ان مفيش موضوع في الفيلم ودي حاجه ضحكتني جدا لان احنا بنتكلم عن موضوع الساعه موضوع العصر اكبر موضوع بيهمنا ويخصنا حاليا كلامك فكرني بمشهد في الفيلم للفنان محمد ثروت وهوه بيقول انا أعمل اي حاجه عشان ابقي تريند ( احنا خدامين التريند ) وسمع كلام الچوكر ( الفنان باسم سمره ) اللي بيشتغل لاغراض ناس ،،، مبروك يا استاذ طارق عرفت تبقي تريند من غير ما تنقد الفيلم .. تخبط في القائمين علي العمل بعيد عن العمل نفسه ولا اتكلمت عن إيجابياته ولا سلبياته
لا ههاجم اشخاص وبكده هطلع تريند بسرعه.
وأضافت: ده موضوع الفيلم اللي انت مافهمتوش أصلا ولا هو جالك ع الجرح ؟؟و على فكره انا كمان بعرف اعمل تريند و هنطلع تريند انا وانت ،، بس أنا علي حق وهمنشنك عشان تظهر بسرعه انت بتقول ان اغنية المقص عجبتك بس هي مش داخل الفيلم لا يا استاذ طارق الاغنيه في الفيلم بس شكل اللي بيمليك اتلخبط ، ادخل شوف الفيلم اللي انت مشوفتوش و احكم عليه بنفسك وبلاش الأفكار السطحيه اللي بتقولها علي كل الأفلام لانك لو شوفت ريستارت فعلاً كنت هتعرف ان قصته اهم ما فيه.
وتابعت: بعدين حضرتك بتتكلم عن أدوات المخرج والمؤلف ولم تستخدم أدواتك كناقد فني ياريتك قولت حاجه نستفيد بيها بدال مانت طالع ترمي افيهات و افيهات وحشه كمان.
وأختتمت سارة وفيق قائلة: الرقم اللي متحقق جوه مصر و برا مش مجامله يا استاذ طارق ده الجمهور الحقيقي اللي بنخاطبه دول مش ولاد اختي مثلاً، الفيلم لسه نازل وداخل علي خمسين مليون داخل مصر فقط ودا نجاح مفرح كل صناعه الحمد لله على العموم دي كلمتك ورأيك و الجمهور قال كلمته برضو.
في القاهرة تايمز نوافيكم بأهم الأخبار والتقارير الموثوقة لحظة بلحظة، تابعوا التفاصيل الكاملة هنا.
